- 568 -

1426. Juni 24. Liegnitz.

Bürgermeister und Rathmannen bekennen den Verkauf von 10 Mark jährlichen wiederkäuflichen Zinses von dem fürstl. Erbgeschoss an das Benedictiner-Kloster, Behufs Erwerbung von Strehlen.

In gotis namen amen. Wir burgermeyster vnd .. ratmanne der stat Legnicz Conrad Brockotindorff, Hannos Hezeler, Petir Hertil, Petir Rote, Nitsche Hezeler vnd Mertin Polan bekennen offintlich in desim briue allin den dy en sehen, horin adir lezen das wir von gebote vnd beuelunge des hochgebornen fursten vnd herren, herren Ludwigis herczogin yn Slezien, herren czu Legnicz vnd czum Brige vnsers gnedigen liben herren vnd auch mit rate, wissen vnd willen der eldisten, der geswornen allir hantwergke vnd der ganczen gemeynen der stat Legnicz recht vnd redelich vorkaufft habin uff dy vorgnante stat Legnicz den geistlichen vnd ynnegyn frawen .. eptissynne vnd der ganczen sampnunge des closters czum heiligen leychenam des bresslawisschen bysschthumstuls des ordens sente Benedicti vor der stat Legnicz gelegin, dy yczund syend vnd in komfftigen czeiten werden, czehen mark geldis yerlichis czinsis czuwedirkauffe vmb hunderth vnd dreysig marg grosschin ygliche marg vmb dreyczehen vnserer gnedigen herren der fursten erbgeschossis das sy yerlich uff der stat Legnicz habin, nemlich di do gewest synd in den hunderth marken gulde des selbin erbgeschosses dy dy irlauchte furstynne vnd frawe fraw Elizabeth herczogynne yn Slezien frawe czu Legnicz vnd czum Brige des gnanten vnsers gnedigen herren gemahel, vnsere gnedige libe frawe vff der stat Legnicz vormols czu iren lebetagen hat gehabit, dy ir also von gebote vnd beuelunge des selbin vnsers gnedigen herren woren vorschrebenn. Dasselbe geld wir gabin vnd beczaltenn dem vorgnanten vnserm gnedigen herren, domite vnd mit andirm gelde her das land vnd stat Strelen czu em kauffte vnd beczalte. Den selben czins dy czehen marg geldis globin wir vorgnanten burgermeyster vnd.. ratmanne mit allen den dy noch vns burgermeister vnd .. ratmanne der stat Legnicz gekoren werden in czukomfftigen czeiten in guten trawen vnd ane argelist den vorgnanten frawen . . eptissynne vnd ganczer sampnunge des vorgnanten closters vry vnd ledig allis geschossis, monczegeldis, bate, wache, lozunge vnd dinstes vnd aller andirley beswerungen die uff der stat Legnicz yczund steen vnd auch ernoch irdocht mochten werdin vnd auch ane vorbittunge vnd vorsperrunge vnserer herren der fursten vnd irre anewalden vnd mittnamen ane hyndernis eyner yglichen personen gutlich vnd liplich alle yare dy weile er nicht wedirgekaufft wird czu czweien geczeiten des jaris czu Legnicz vff deme rathowsse zugebin vnd czuleystenn nemelich vff wynachten vumff marg vnd uff sente Johannessen tag des tewffers als er geborin wart auch vumff marg vnd off wynachten dy nv nesth komen anczuhebenn. Geschee abir das den vorgenanten ffrawen.. eptyssynne vnd ganczen sampnunge des vorgnanten closters der vorgenante czins vff dy vorbeschrebenn tage wenn sich das geborte nicht gegebin worde noch geleystet, so sal der burgermeyster mit czweien ratmannen dy czu der czeit sitczen an dem rate zuhand obir vierczehen tage noch der irsten manunge wenn dye geschiet vnd sy sien nicht lenger vorbasmer beyten noch emperen wollin, czu Legnicz uff das rathows geen vnd nymmer von dannen komen, eyn recht gewonlich ynlegir do leystende, also lange bis en der vorsessene unvorguldene czins gancz vnd gar beczalit wirt vnd vorguldenn. Worden auch die vorgenante frawe .. eptissyne vnd gancze sampnunge des vorgenanten closters des czurate, das sy den czins gancz adir eynsteyls wolden vorkewffen, so sollin sy en den . . ratmannen der stat Legnicz voranbieten, kewffen sy sien denn nicht bynnen vir wochen, so mogen sy en vorkewffen weme sy wollin ane monchin nonnen vnd pfaffen vnd andirn geistlichen vnd begebenn lewtenn vnd auch reysigen lewten wenn an die der selbe czins wedir in kauffis noch in gabe weize sal bekomen noch gefallen vnd weide sy en denne sust vorkewffenn, deme globin wir vorgenanten burgermeister vnd ratmanne mit allin den die noch vns burgermeister vnd.. ratmanne der stat Legnicz gekoren werdin in czukomfftigen czeytenn in guten trawen vnd ane argelist, den selben vorkauftenn czins czuglobin, czugebin vnd czuvorschreibenn gleicher weis als her en vormols gegebin ist vnd in desim geginwortigen briue globet ist vnd vorschrebenn. Auch mogen die ratmanne der stat Legnicz den czins wedirabekewffen wenne sy des czurate werden vmb hunderth vnd drysig marg guter gengir vnd gebir Pragisscher grosschin Polnysscher czal dy sy den vorgenanten frawen.. eptyssynne vnd ganczen sampnunge des vorgenanten closters czu Legnicz vff deme rathowsse wedir gebin vnd beczalenn sollin mittenandir vnschedlich en an deme vorsessenn czinse. Diz kawffis vnd aller vorbeschrebenn sachen vnd globde czu eyner festen bestetigunge habin wir desin briueff gegebin dorobir, vorsigild mit der stat Legenicz yngesigile deme grosten. Das ist gescheen czu Legnicz des tagis sente Johannis des tewffers als her geboren warth. Noch gotis geburth vierczehenhundirth yar donoch yn dem sechsundczwenczigistenn jare.

O. d. St. L. No. 315. Das Siegel an Pergamentstreifen.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866